中國拳手鄒市明上周六喺美國處子登場，喺拳擊聖地麥迪遜花園廣場同19歲嘅匈牙利挑戰者阿泰爾打咗場，結果苦戰10個回合後以點數勝出，成功衞冕WBO國際蠅量級拳王金腰帶，兼成為首個喺美國贏拳嘅中國職業拳手，仲將職業生涯戰績改寫為八勝一負。鄒市明賽後話：「比賽已經完咗，家陣我諗緊年底嗰場世界拳王金腰帶比賽，我會延續今次備戰嘅節奏，閉關訓練。當然，我都想下一個對手會勁啲囉。」消息話佢對手有可能係日本拳王井岡一翔。