韓國女星於網上公開嘅生活照大都比真人或者記者影嘅靚好多，除咗有啲係靠執圖外，當然都有小小技巧，以下5大技巧就係韓星呃like嘅方法。
1）腳尖貼實相嘅邊框最下端
韓國女團Rainbow成員趙賢榮、少女時代前成員Jessica都唔算係生得高嘅女仔，不過二人於IG公開嘅相就好似好長腿，就係用咗呢個技巧。
2）背靠牆顯腿長
Jessica成日挨牆影相，點解？因為上身靠牆、雙腿向前伸展，可以營造長腿效果，原理跟低炒差唔多。
3）側面
韓劇《回來吧大叔》吳漣序唔算肥，不過邊有女星嫌瘦？為上鏡有V臉效果，佢就愛稍微側企，膝頭、肩膊都要微微打側，影出嚟身材效果會比實際更加苗條。
4）坐嘅時候都要側面
韓國女團Rainbow成員栽經被指係有肉地嘅女生，為顯得瘦啲，佢拍照時多身體傾斜，以45度角嘅坐姿拍照，咁就會比正面時顯瘦，又可以順便拉長吓雙腿。
5）抬頭挺胸騷曲線
身材出眾嘅「馬舞女」泫雅就最愛挺胸影側面，因為呢個甫士最可以盡騷其有料身材。