英格蘭喺歐國盃首戰失威，但佢哋嘅「細佬」兼同組嘅威爾斯就旗開得勝，以2:1險勝斯洛伐克，等咗58年，終於可以喺大賽勝出。威爾斯喺開賽僅10分鐘就由星級球員加里夫巴利主射自由球破網，雖然斯洛伐克一度扳平，但威爾斯憑住後備入替嘅笠臣簡奴於81分鐘射入，以2:1勝出，仲暫時以三分喺B組領導群雄。賽後威爾斯領隊高文都大讚班球員，而佢更加指今場因為背傷缺陣嘅正選門將軒尼斯，有望喺星期四復出把關。至於巴利亦叫英格蘭放馬過嚟，佢賽後話：「我哋喺第一場比賽已經達到賽前嘅目標，跟住鬥英格蘭，我哋一定會戰鬥到底。」不過，巴利頭頂疑似脫髮，喺賽後又被大造新聞，因為喺比賽期間，佢俾人拍得喺佢個武士髻下面，頭髮極為稀疏囉！