呢兩日玩完三號波又玩一號波，但我只知道呢個周末應該keep住落雨。放假先來落雨，與其問個天做咩唔鍾意自己，不如趁機毒留在家中睇返一兩套好戲，唔使怕濕両両，又唔使同人迫更舒爽。唔知睇咩戲好？我哋搵來幾位影藝人推介，睇媖佢哋口味又啱唔啱你。
一、外國電影
曾參與《溝女不離三兄弟》和《小姐誘心》等電影的倪晨曦，推介改編自迪士尼經典動畫《森林王子》，由Jon Favreau執導的電影《與森林共舞》（The Jungle Book），其實動畫該片根據諾貝爾文學獎得主吉卜林在19世紀出版的同名故事集《叢林奇譚》改編，講述了印度「狼孩」毛克利故事，佢話由細睇到大，「好有童年回憶」；《X-men》電影系列也是不錯選擇，只因「一向喜歡超級英雄電影，畫面設計震撼又好睇」。
關於外國電影，果籽亦有推薦。寫開電影專題的記者葉青霞就覺得《午夜巴黎》（Midnight in Paris）好啱feel，睇完覺得雨中漫步好浪漫咁話，「結尾的雨中漫步好浪漫好初戀，與回到20年代一樣夢幻。」佢最愛一幕係「男主角午夜回到他最嚮往的20年代，與藝壇勁人風花雪月，個個有sound bite，句句嗒出幽默。男主角最後悟出要活在當下，因為無論你身處邊個時代，總係覺得舊時好，但現實無得回到過去，咁唯有在當下好好活，未來先有得想當年。」
二、亞洲地區合拍片
參演過《迷離夜‧奇幻夜》的香港女rapper譚淇淇，就話要睇臺、中、韓三地聯合製作的《重返20歲》，最愛戲中婆婆變返20歲後，望見鏡中自己個驚訝樣，「好搞笑」。
三、港產片
輪到男子組代表， 填詞人梁麖堅話，其實落雨天睇咩戲最好就交由收費電視電影台選擇，但個人最愛周星馳電影系列，自娛之餘亦可搵料cap圖玩諷刺。「《九品芝麻官》入面原告變被告，但現實都會有」，電影中荒謬事、無稽事都可以成為抽水靈感。
記者：黃樂雯