【本報訊】「80、90年代打（街）機係最好嘅聯誼活動。」古馳年少時常聯同三五知己到機舖「進貢」，成長後這份熱誠絲毫未減，「𠵱家都有打街機，但係鍾意以前啲Game多啲。𠵱家啲Game講求畫面靚，以前冇咁靚但遊戲性高」。他慨嘆時代不同，以往朋友間會相約在機舖，現在卻拋下一句「今晚online見」後各自回家線上對戰。
慨嘆港人失去才珍惜
銅鑼灣世貿、九龍灣Virtual Zone，大型機舖一間間如巨人倒下，古馳與其他街機愛好者一樣，感到痛心卻又無能為力。
經常於中港台三地工作的古馳指不只香港，台灣和內地也陸續有遊戲機中心結業，最大「死因」非租金高昂，而是科技進步，「以前街機畫面靚好多，遊戲開發商會投放多啲落街機，呢10年發展唔同，家用機同街機差距唔大，唔需要再出街去玩一樣嘢。」
日本70年代推出《太空侵略者》令街機文化席捲全球，古馳發現其實日本的遊戲機中心也已經轉型，而香港的遊戲機中心或許只能靠釣魚機和老虎機才能繼續生存下去。古馳認為這並非遊戲創作者不濟，而是科技不斷發展下，總有事物會慢慢被淘汰，就如家中的固網電話一樣。
訪問後古馳走進機舖重拾昔日的快樂時光，驚見平日下午的Virtual Zone人頭湧湧，更偶遇曾參與機聚的朋友，對方表示：「就嚟執吖嘛，咪嚟吓囉。」古馳慨嘆，香港人總是在失去才珍惜。
■記者陳耀麟