輸咗立會新東補選嘅民建聯周浩鼎，盛傳今年9月循超區捲土重來，有傳今次唔做孤獨精，而係搵埋幾位黨內年輕新界區議員合組名單落場。近日佢同4位黨內區議員籌組咗個度橋辦公室，合稱「琳鋒鼎李」！
呢個「度橋辦」除咗阿鼎，尚有荃灣區議員林琳、屯門區議員巫成鋒及新東補選時已傍實阿鼎嘅沙田區議員李世榮。3人係民記新東及西嘅樁腳；阿鼎同主席李慧琼點樣喺超選分區攞票？呼之欲出！
「琳鋒鼎李」話大家聚埋都係諗下點樣吸年輕人眼球，嚟緊或將阿鼎網上影片《鼎訊》拍得生動啲，兼且推出阿鼎眼鏡布，寓意幫大家擦亮眼晴。其他驚爆嘢？就賣吓關子先喎。有傳媒則話見到阿鼎趕去記者會而過馬路衝紅燈喎。