另一位人母Hidy則說：「第一輯有搵我，但有咗BB玩唔到，決賽嗰晚有去現場睇Hazel對思琳，監製同金廣誠想開挑戰賽，問我有冇興趣，我話有呀咁難得，唔會放過呢次機會。」問到怕不怕受傷？她說：「上次每集都有睇，覺得佢哋都幾狼，預咗玩就預咗受傷，惟有做好防守，最緊要係諗點保護自己，唔一定要打面。」
而鄧穎芝就表示未知會否參加：「自己好有興趣，但之前條腰傷咗未好番，如果好番而條件又好過上次，我都好想繼續打，因為上次我哋差唔多貼錢拍，賺唔到錢又周身傷，覺得好似唔係幾抵，今次希望有更好條件同賽制比較公平，我都會考慮嘅。」