歐聯決賽周六就踢，皇馬同馬體會最唔想賽前添傷兵，不過皇馬周二操練時就嚇一嚇球迷，基斯坦奴朗拿度（C朗）同門將卡斯拿相撞後，C朗就自己行出場，好彩軍醫事後證實佢冇乜大礙。另外，一向走在潮流尖端嘅C朗，佢嘅波鞋贊助商「一剔」，就搵埋法國時裝設計師Olivier Rousteing，幫C朗聯乘一系列外套同波鞋，最快六月初就會推出。皇馬另一翼鋒加里夫巴利就由「三間」贊助，三間就順勢幫巴利出對新鞋等佢喺決賽着。