CIA（中情局）有幾神秘唔使華華多講，睇過美劇都略知一二。但近期在塞班島搞賭場的博華太平洋（1076），上星期就宣佈竟然搵到前CIA局長Robert James Woolsey坐鎮做獨董，計埋今年4月搞的顧問委員會請到前FBI（聯邦調查局）局長Louis J. Freeh參與，真係好似拍特工劇咁！
唔好以為得CIA同FBI幫博華太平洋撐場好出奇，翻睇記錄，舊年公司已經好威威豬咁搵到退休聯邦法官Sullivan做獨董，4月搞的顧問委員會，班底仲有前美國民主黨全國委員會主席兼前賓夕法尼亞州州長、前紐約州州長，真係好多元化。
睇番介紹，Woolsey在1993年至95年在前美國總統克林頓時期做局長，但咪以為CIA只係打交叻，佢喺史丹福攞咗文學士學位，絕對能文能武！話說，成日聽講FBI同CIA不和，唔知幫同一間公司手係咪都得呢？