東涌昇薈3月開始收樓，每月每呎管理費近4元，較隔籬映灣園貴三成有多。新屋入伙，朋友到訪都會睇睇會所，唔靚、設施少都沒有面子。昇薈會所4層高 共8.9萬方呎，近30項設施，動態的方面有4000呎健身中心，球場設施包括室內籃球場、桌球室，但兩條球道的保齡球場，以屋苑1,400餘伙計算，可能比較難訂埸，可選擇去游水，配備室內泳池。唔游濕水，游乾水(打麻將)亦得，攻打四方城，四個人玩，如果人多，唱於拉OK更熱鬧。玩到攰了要食嘢，食西餐有人招待，又或者開燒烤Party，悉隨尊便。