阿仙奴今夏終於有第一簽喇！不過就唔係盛傳嘅瑞士中場格列沙加，而係前法國中場皮利斯嘅七歲囝囝飛奧（Theo）。飛奧喺日前正式加盟阿仙奴青訓學校，雖然飛奧得七歲，但有關方面都好隆重其事，菲奧一身兵工廠full gear上陣，仲好正式喺文件上簽名，而佢爸爸嘅皮利斯仲將呢一刻拍低，放上twitter度話好以個仔為榮咁話！