日前人妻楊洛婷生日，同老公勁晒身材，將對人間「胸」器放上枱，咩話人妻唔應該咁性感？咩年代呀！唔止人妻呀！人母都可以行性感！睇陳爽個微博就知啦，佢2012年約滿離開無綫冇耐就結婚，前年仲做埋阿媽，佢產後好快就收埋身，而網民幸福嘅日子就嚟喇！上年開始佢個微博隔冇耐就會出現着住泳衣，同時攬住囝囝嘆世界嘅相，今年先32歲嘅佢身材梗係冇問題啦，吸睛指數極高！最近佢哋一家三口去旅行，雖然今次泳衣相密實咗少少，不過溫馨度依家夠晒。