係人都知李斯特城前鋒占美華迪個34歲未婚妻碧琪，佢之前係喺夜店做公關，雖然已升呢做咗英超WAGs，但言談間仍然撈味十足，而且仲係「貓仙人」。日前英國《太陽報》爆料，指華迪同佢唔打算喺個婚禮上使錢買花佈置，寧願用啲錢買酒，等佢哋同賓客大飲特飲，總之就不醉無歸。消息人士表示：「係新娘都想喺結婚時好多花，但碧琪一啲都唔鍾意，仲話啲花留番死嗰日用，慳啲錢同啲賓客飲好過。」