鄭欣宜和王宗堯昨日到銅鑼灣出席8歲小歌后Celine的簽約儀式，Celine即場與欣宜清唱歌曲《女神》，小小年紀已唱爆咪受激讚。Celine妹妹正在國際學校就讀四年級，不怕加入娛樂圈分心影響學業，想學做女神，亦想去紅館開演唱會。
欣宜希望和小師妹合唱英文歌，王宗堯則想和Celine演父女角色，不過他笑言：「我同佢爸爸睇落差唔多大，但我冇嗰身戰衣，要檢討吓。」欣宜在網上公開徵詢網民，決定她月底生日旅行地點，她只得短短四日假期，考慮去峇里、馬爾代夫及菲律賓等地，當中有地方曾經發生綁架案，欣宜好率直說：「我咁重，係都唔綁我啦。」
採訪：卓寶花
攝影：陳順禎