喺機場有特事特辦優待嘅，原來唔單止得梁凸一家，巴塞隆拿嘅巴西球星尼馬都一樣。話說尼馬日前飛去英國出席私人活動，周二去到盧頓機場先發覺冇帶護照，不過都冇問題，尼馬俾機場職員問話咗15分鐘，就獲准離開順利入境。英國《太陽報》引述目擊者話，班機場職員好似前世未見過球星咁，仲話尼馬自稱要參加重要會議；不過，事後發現佢只係去出席宣傳活動。