昨晚8點幾，劉亦菲喺廣州出席電影《夜孔雀》嘅宣傳記招，點知突然有一名男子衝過鐵馬以好快嘅速度兩手抱住劉亦菲撞埋去!劉亦菲被呢位男子撞到即時倒地，網上流出短片現場混亂一片，事後《夜孔雀》方面發聲明表示，係「某粉絲過份激動而突然翻越隔離鐵馬，衝上舞台，對劉亦菲小姐造成了驚嚇。」又表示現場保安已將劉亦菲護送出現場，當場報警。聲明指劉亦菲身體未有受傷，但受到驚嚇。電影方懇請粉絲保持冷靜態度追星，用愛護來回報偶像。