下個星期二新一批iBond可供認購，又係嗰個問題，抵唔抵買。今年政府全年通脹預測先得2.3%，派息都唔會多。iBond保證1厘息，對基金而言絕對係有需要掃。過去5次發iBond，首掛最差都係103.15元，如果首掛103元，抽到兩手，即開即食6嚿水，喺咁嘅市來講，有得賺錢係個意頭來嘅。
都係鍾意玩吓股票嘅，留意隻星味濃嘅中科礦業（985）。公司早前引入快的創辦人陳偉星，公司亦會改名為網智金控，進軍電子物流行業。公司3月配售最多234億股，佔擴大股本37.68%，每股作價0.1元。其中，集團向陳偉星配售62.4億股，佔擴大後股本10.05%，禁售期一年。要特別留意嘅係，今次配售代理唔係細行，而係大行摩根士丹利！
大摩既然肯幫中科礦業做呢單刁，相信中科礦業一定有提供一個好詳盡嘅大計。公司早前已收購咗「第一物流」和「快貨運」，相信只係部署嘅起步。目前股價只高配售價兩成左右，股價跌至現水平亦有支持，可買定等發圍。
Fifi
http://www.facebook.com/lovefrystock
本欄逢周五刊出