李斯特城稱霸英超，成班職球員日前去晒泰國（圖），舉行另一次勝利巡遊；威風到咁，陣中球員亦自然升價唔少，其中尼高路簡迪一年前由名不經傳嘅法甲卡昂嚟到，今日已經成為法國國腳，有機會出戰歐國盃。不過，佢嘅合約有贖身費條款，肯畀2,000萬鎊（約2.27億港元）就可以買斷，據講阿仙奴打算出手，到時李城都冇say。