香港「跳遠王子」陳銘泰，噚日喺台北桃園市田徑場舉行嘅台灣國際田徑公開賽，率先幫港隊取得獎牌，佢喺男子跳遠造出7米59獲得銀牌，未來仲有幾個比賽俾佢達里約奧運標準（8米15），阿泰月初喺香港田徑賽曾造出8米12嘅新港績，成為首位突破八米嘅香港人。至於女子鏈球代表林秀君，噚日以52米59打破自己保持嘅香港紀錄，但佢最終只係得第五，舊紀錄係佢喺上月16日造出嘅51米82。