甲一常規賽嚟到最後兩輪賽事，永倫今晚八點八喺修頓迎戰福建。前者喺星期二大炒贏過福建嘅飛鷹，今場梗係睇高一線，如果贏埋呢場，永倫就會以全勝姿態迎接最後一場對南華嘅榜首大戰。永倫中鋒黃鎮煒認為福建較飛鷹容易對付：「福建今年都係新重組同較後生，我哋𠵱家嘅配合好咗，實力都提升咗。」福建嘅司徒偉傑就話平常心面對，盡量唔畀泰那瘋狂搶分喎。頭場七點由東方對晉龍打頭陣，票價50蚊，另設學生長者飛30蚊。