相信每個人都遇過「已讀不回」的情況，訊息傳了出去，等來等去都不見對方回覆。以前還可以賴網絡問題，可能對方收不到吧……但該死的藍剔卻清清楚楚話俾你知對方唔只收到，仲睇埋，但就係唔回，點吖？《Psychology Today》作家Victor Lipman歸納出三個原因，解釋為甚麼有人會已讀不回，雖然他的文章以工作關係出發，但其實同樣應用於男女關係。
1.太多不同的訊息工具：除WhatsApp，絕大部份人同時間有facebook messager、Line和email各種通訊工具。不論是私人談情，還是工作交流，我們都離不開這些工具，但就是工具太多了，多到令人忘記了回覆。
2.太忙：現在每個人都是multi-tasking達人，同時間要應付不同工作，讀完你的訊息，可能又要立即趕住去做其他事，所以已讀不回未必是不重視你，只是因為他當時要處理更重要事情，忙完一輪後唔記得回覆，情有可原。
3.唔知點應：透過通訊工具交流不似面對面對話，不用即時畀反應，所以有時收到一些訊息，如果對方不知如何回應，為了避免麻煩，不想解釋太多，他都可能會不回，然後默默地等這件事丟淡，博你唔記得。
雖然有時候已讀不回是情有可原，但如果你傳極訊息對方都不回應，你就應該知乜事，千萬不要等到有一天看不到對方的頭像和上線時間，才發現對方其實真係唔想理你。
記者：陳倢