麥長青（麥包）、范振鋒、李思欣等昨日在荃灣為仁濟醫院賣旗，其間有善長捐1,000元買旗。對於已為人母的官恩娜和岑潔儀在公眾場所餵哺母乳時遭到歧視，育有一子一女的麥長青表示贊成餵哺母乳：「我太太係餵人奶，但佢會裝喺奶樽，我覺得有啲人見到係覺得尷尬，鹹濕佬除外。」麥包又認為要多設立有關設施，他說：「議員都係官，要先知先覺，以人為本，照顧老老嫩嫩，咁嘅社會就好和諧。」
問麥包有否探契妹陳茵媺？他表示約了下星期見面，又指好友陳浩民的太太蔣麗莎也是餵母乳：「佢都係裝入樽先出街，其實好多媽媽都係圍巾，你唔望係冇嘢。」
採訪、攝影：黃曉妍