隨住曼聯周中輸波，阿仙奴亦都落實英超前四，肯定可以踢來季歐聯，球會亦都為未來部署，準備同中場奧斯爾續約，同留住禾確特；其中奧斯爾（圖右）原本同兵工廠仲有兩年約，但會方避免被其他球隊挖走呢個助攻王，由原本14萬鎊周薪（約156萬港元），加到去20萬鎊（約223萬港元），奧斯爾亦都好滿意準備續約。另外，禾仔近期失正選，有傳領隊雲格想賣走佢，不過雲格周五表示禾仔下季一定留隊。