劉德華每次演出都會搏到盡，近日他忙於為主演的新戲《拆彈專家》開工，昨日華仔雖然不用拍攝，但出名勤力的他就以監製身份，提早現身拍攝場地，並化身「拆彈專家」，與導演邱禮濤講解一場室內玻璃爆破戲。
事後，華仔透露電影中有場重頭戲，將會炸毀紅磡海底隧道。他說：「因為入唔到紅隧拍，所以我哋專門搭建了一條1:1嘅紅隧出嚟，最後都要炸爛佢。」華仔指非常期待這場戲，問到華仔要搭建一條1:1紅隧，是否花很多錢？他說：「一搭景就會貴，但係都冇辦法，冇現有實景嘛！」華仔透露他在戲中會化身卧底，與「大反派」姜武大鬥演技，當中不乏爆炸、打鬥、槍戰等場面。
撰文：王梓嫚