潘頓太太Nicole的妹妹Sarsha來港渡假，剛戰快活谷夜馬入場為姐夫打氣，結果潘頓勝出「金碧旺旺」，沒有令兩姊妹失望。而Sarsha的假期尚未結束仍未離港，這天又再於晨課現身，同一班馬圈朋友，包括寶遜女友等閒話家常。而Nicole仲帶埋女兒Roxy一齊出來曬太陽。
其中練馬師蘇保羅專登在馬房踩單車出來，將兩頂帽送給Nicole兩妹妹，又在兩人帽上簽名。
至於潘頓，他出名騎馬叻，但湊女卻似乎麻麻，最初抱住Roxy，Roxy即哭個不停，後來轉給媽媽Nicole抱才笑番，之後潘頓在記者面前又跟Roxy玩耍，抱住她玩倒吊，又將Roxy拋來拋去，Roxy有得玩反而冇喊。
而另一騎師、有個女兒年紀跟Roxy相若的蔡明紹，亦來到逗Roxy玩耍，令到呢日晨課氣氛充滿家庭樂。