香港首席桌球手傅家俊（Marco）周四晚孖住老婆，喺英國出席世界桌球總會舉辦嘅年度頒獎禮。打扮得體嘅佢哋仲同啱啱退役嘅戴維斯、四次世界冠軍希堅斯同埋應屆世界冠軍沙比「集郵」㖭！Marco今季雖然未贏過排名賽，但憑住世錦賽打入四強，世界排名升咗兩級到第12位；佢仲係今季四位打出一桿147嘅球手之一，獲桌總頒發袖口鈕（小圖）㖭！