正當大家覺得無自由行,消費行業慘慘豬之際,不嬲都做開本地人生意的無印良品,繼續逆市有諗頭,係港鐵站內開設首間分店!呢間MUJI to GO位於港鐵香港站L3層,即係東涌綫,將於下周一(9日)開業,由朝早8點開到晚上10點,除了一貫office文具、收納用品等等,當然係主攻打工仔同學生 ---賣早午餐兼零食!無印良品不嬲有賣開包裝麵包,包括千層蛋糕、年輪蛋糕等等,仲可以買返枝凍頂烏龍茶、牛奶黑糖咖啡,食完早餐即刻醒晨晒。下午想食零食,仲可以買定其他無印零食。