【本報訊】自出世便被親生父母遺棄的梁善儀，是孤身撐下去的動力。單親媽媽日做兩份工的艱苦歲月總算撐了過去，如今兩子已成人，在社福機構工作的她，亦將母愛分給無人照料之幼兒，只因她明白，當年若非養父母領養她，她同樣會淪為孤兒。
記者︰張珮琪
梁善儀1970年10月17日在長沙灣道178號1樓深水埗留產所出世，養父母即日將她領養，當年已屆40歲的養父梁修發及養母鍾巧褀一直視她如己出。善儀10歲時養母病逝，她20歲初為人母，26歲卻婚姻破裂，翌年年邁養父亦離世。單親媽媽肩負照顧兩名稚子的責任，她憑着養父母的教晦學做一個好媽媽，「我會將最好嘅畀晒佢哋，正如我養父母將佢哋最好嘅畀咗我，令我一生受用！」
26歲的長子現已投身工作，21歲幼子尚在求學，善儀談起他們總是甜絲絲。她稱，從前日做兩份工養家，無時間休息，但她堅持出席兒子每一個學校活動，例如運動會親子賽跑，只因不想令小朋友失望。「幾攰幾辛苦我都去，過後我去過邊做過乜其實我都唔記得，但喺佢哋心裡面就會留下一個好深嘅片段，令佢哋可以好warm，希望佢哋人生路上，當佢哋遇到困難嘅時候，佢會知道有人曾經支持佢，尤其是佢媽媽！」
每年的母親節，善儀都會帶兩名兒子與養父的繼室食飯。善儀形容兩子是上天對她的恩賜，「我諗真係每一個父母都一樣，只係希望佢哋開心，健康咁成長。做母親唔好望回報，佢哋會好辛苦、好大壓力。對我嚟講有兩個仔已經死而無憾！」
今年初，善儀從舊街坊口中得知當初養父母如何將她領養，她眼泛淚光說：「感激佢哋(養父母)對我嘅愛，但係我冇辦法回報！」養母彌留時，年幼的善儀曾問她：「你係唔係會死啊？」養母說：「每一個媽媽都想陪伴佢嘅仔女去到最後一日！」如今作為單親媽媽的善儀，憑這信念守護兩名兒子直到最後。
每一位孩子都理應擁有父母的愛，由養父母養大的善儀，深刻體會到母愛對孩子重要，如今，她在福利機構工作，專責照顧無人照料之幼兒，她願意把所有的愛獻給孩子們。她說：「佢哋都一樣冇父母好好教佢哋、幫佢哋！我覺得自己有責任照顧佢哋、教導佢哋。」