中國女排又嚟香港喇，今年撞啱奧運年，球迷唔使飛去巴西都可以先睹為快。中國女排下月24至26日喺紅館角逐世界女排大獎賽第三站，同世界第一嘅美國、11位嘅德國同14位嘅荷蘭一較高下。今站仲會首次用鷹眼系統幫助判決，到時場館會裝17個鏡頭。噚日出席記者會嘅前中國女排主力孫玥（圖），話現役隊長惠若琪嘅心臟問題已有好轉，希望香港站見到佢喎。賽事門票由70至650港元，今個月16日喺城市售票網有得賣。