曾幾何時，大圍有個新盤廣告嘅宣傳字眼係「香港正中心，翠嶺連城」，好記性嘅讀者，一定記得就係超人李嘉誠旗下長實與港鐵（066）發展嘅名城，呢句「正中心」惹來極大迴響，大家都唔多明白大圍點解會係香港正中心囉。
而因應樓盤嘅超現實廣告宣傳，政府推行一手住宅銷售條例，避免一手樓盤過份失實陳述物業資料，條例2013年生效後，新盤廣告頓時變得平實，天馬行空嘅想像空間收細，取而代之，樓盤若大賣海景，廣告索性係一幅平靜海景相片，表達休閒寫意氣氛。
新地（016）最近喺將軍澳有個新樓盤海天晉，發展商想表達樓盤豪華嘅感覺，就直接用上LUXE呢個字，加位長髮外國美女在旁，真夠簡單，不過驟眼睇，以為係賣緊係洗頭水廣告。