【本報訊】預約App、求職配對平台興起，HelperLibrary創辦人盧嘉敏表示，現時無論登記搵人的僱主，還是登記搵工的外傭，費用均全免，要收回高達六位數字的投資成本，長遠需向僱主收費，亦正研究開拓代約工人面試等增值服務開源，「我哋唔會好似僱傭公司咁收中介費，呢個係新市場，盈利模式仍需摸索，我哋亦參考過一啲外國網站，會以收取月費形式運作」。
增設陪月司機配對
程式開發近一年，三語運作，又增設外傭以外的工種配對，如陪月及司機等（圖），無論前期開發還是網站營運，成本不低，但網民習慣享受免費資訊，是否願意付費是生存的關鍵，盧說：「我屋企人入面，差唔多所有工人都係由我幫手請，自己都做過新手媽咪，知道請唔到工人，係一件好頭痛嘅事，百幾蚊月費，相對直接聘用慳到嘅幾千蚊，我相信唔少僱主都會肯畀。」
兩個年輕港媽既非IT人，又從沒經營過僱傭公司，膽粗粗創業搞外傭配對App，只因曾是苦主，因懷孕要聘請外傭幫忙家務，發現每個中介手上可供聘請的外傭數量極少，且配對方式費時失事，遂萌生搞資料庫念頭，「你冇可能去晒1,500間中介公司，想請現成完約工人又唔知邊度搵」有供有求，盧說由互聯網平台撮合最好不過。
■記者呂麗嬋