坎坷過後有騷開的黎明，安排索模楊子儀和前跳唱組合HunterZ成員鄧詠雪（Suetzi）兩位貼身舞蹈員輪流陪他掟花給觀眾。現年26歲的Suetzi擁32吋iPad胸，跳得輕鬆，她昨日在銅鑼灣接受本報專訪，提到有幸幫黎明伴舞，興奮地說：「唔使錢都想做，係真心，因為想儲齊四大天王，之前Aaron（郭富城）《舞臨盛宴》做咗，劉德華因為撞期做唔到，張學友喺我入行之前開騷，希望遲啲有機會。」
問到怎被黎明揀中？Suetzi說：「係製作揀，我收到通知有得casting，send咗相一個禮拜落實。身高冇特別要求，但要靚靚哋識跳舞。」回想跟黎明首次接觸，她說：「好正！佢嘅天王氣派真係好勁，自己第一下有少少怕醜。佢本身好勁，唔使教佢已經知道做乜。」
「佢真係超有承擔」
對於被欽點陪黎明掟花，Suetzi說：「佢啲fans係我見過最瘋
做了6、7年舞蹈員的Suetzi，第一次是做Twins演唱會，之後有郭富城、梁詠琪、左麟右李（譚詠麟和李克勤）等。前年她跟陳蕊蕊、陶枳樽等組成HunterZ，現已約滿並計劃自己出歌，又跟蝦頭學演戲。不過，她去年遇訛稱是譚詠麟（校長）老友兼太陽娛樂高層的騙徒，邀她過檔，Suetzi信以為真被騙去4萬元報警，她重提舊事仍覺得很瘀：「佢有意圖想約我上酒店房同佢屋企，但我拒絕咗，結果去咗餐廳，佢喺我面前扮打畀校長，呃我畀4萬蚊贖身費。」問到有否被騙色？她強調：「冇，我好警惕，好小心保護自己。如果想入行嘅女仔，喺公司傾穩陣，上酒店一定唔得。」
採訪：嵐山
地點：day off