黎明開騷，因未符消防條例，頭場焗住取消，不過天王即係天王，在fb即時交代事件並公開認錯，更極速配合當局，令演唱會奇迹復活，公關災難昇華為最佳宣傳。同一道理，遇有奇怪交易，上市公司只要交代清楚，股民一樣受落，一句到尾，最緊要透明度高。
雅天妮（789）4月中宣佈，用1.6億元收購軟件開發商，以加強產品及服務電貿化進度，由於現金不足，故同時宣佈以每股0.074元配售24.4億股，集資1.8億元以支付。承配嘅不是別人，而係大股東謝海州，交易完成後，持股將增至70.7%。
咁樣低價增持都得？公司通告列舉三大原因，講明無論發債、向街外人批股以至供股都係行唔通，清楚易明。公佈後，雅天妮股價強到冇朋友，不足一個月炒到五成。當然，客觀因素亦成就強勢︰市值4億元唔夠，蔗渣價錢燒鵝味道，家陣仲要玩貨源歸邊，概念一等一。通函最遲聽日出，到時mark低EGM日期，再同佢搏鬥一番！
唐牛
http://www.facebook.com/tongcow88
本欄逢周二、四刊出