林雪、苑瓊丹和陳欣健等昨日到廣州出席「昇格傳媒2016新片計劃發佈會」，其中陳欣健更以董事身份主持活動。首次拍內地電視劇的林雪表示相當好玩，問他會否考慮返香港拍劇？他即爆粗回應：「我拍過啦，咪收唔到錢囉，幫亞視拍嗰套《法網群英》吖嘛，嗰條友叫乜名話？鄧特希呀，到𠵱家都未收到錢呀！」
近年長駐內地的苑仔表示未來會主力做內地網劇，因為自由度比較大，題材以喜劇為主，她還說：「我覺得香港嘅製作唔夠好，人手又唔夠多，不過係有進步嘅空間，應該諗辦法更進步，唯一只能夠拍嘅時裝劇，因為仲有少少贏面。」
採訪、攝影：曾小嘉