【同場加映】
港交所（388）股東會開始之前，火藥味冇咁濃，仲有位稀客㖭。由於議案投票採用電子投票，介紹電子投票機點用嘅股份過戶處代表，就係中央證券登記董事總經理鍾絳虹（Pamela）！
上市儀式就見得佢多，至於股東會，Pamela通常只去長和系呢類大公司幫手。今次因為負責港交所嘅同事（都係超高層）出差，所以搵佢出馬。佢介紹完部機點用之後，仲有兩條模擬問題畀小股東試機。
順帶一提，噚日有330名小股東出席股東會，破晒紀錄。舊年得200人左右。唔少發言嘅小股東都話，自己十幾年冇出席過股東會，今年專登嚟。