昨晚銅鑼灣活動，除樂基兒外，鄭裕玲（嘟姐）、農夫、黃伊汶和鄭希怡都有出席。剛生完B不久的黃伊汶（Emme）就明顯瘦了身，對於湊B，Emme自覺多了一件玩具，她說：「我好似養咗一個他媽哥池咁，餵奶換片抹汗。」問到阿仔有否和好友鄭希怡（Yumiko）的囡囡梁浸浸見面，Emme就表示：「梁浸浸好得意，佢成日打阿仔，不過佢好可愛，錫啖之後先再打。」
嘟姐憎上契
問同場的嘟姐和農夫近日經常合體做活動，會否因此賺到不少外快？嘟姐笑說：「其實做嘢最緊要開心，外快嘅嘢冇乜所謂。」此時C君說：「吓！我哋係為錢呀，對你（嘟姐）嚟講唔係囉！」而陸永亦乘機澄清自己沒打算造人，有記者提議若他再生，可以讓嘟姐上契，嘟姐即好大反應說：「我唔制，我至憎契人，呢樣嘢好娘囉！」
另外，謝婷婷出席中環另一個品牌活動時，穿上大露背加露南半球，十分性感。對於母親節禮物，記者笑言她可以考慮送個女婿給媽咪，婷婷說：「咁佢可能要等幾年，因為𠵱家連男友都冇！」
採訪：王連連、張俊銘