基斯坦奴朗拿度（C朗）大腿受傷，最終都冇辦法趕得切喺周二歐聯作客對曼城一仗上陣，據講佢傷情唔輕，周六西甲作客皇蘇就應該唔使諗可以上陣，連趕唔趕得切下周三歐聯次回合都成問題。球會方面為咗加速C朗痊癒，會嘗試用幹細胞方法治療佢嘅大腿肌肉撕裂。呢種方式係由C朗嘅血液或者骨髓度抽取健康嘅細胞，注入佢受傷患處加速癒合，務求佢可以喺主場對曼城呢場大戰披甲。