被稱為「世界級港女」的杜如風昨日在商台接受訪問，提到她主持的《関西攻略》與「ABC港女tone」連詩雅、演出的ViuTV節目《跟住矛盾去旅行》打對台，對於收視報捷，杜如風開心之餘亦感托賴。問她有否看過對家節目？杜如風說：「冇睇，因為時間一樣。」問她是否要捧自己場？她說：「一嚟啦，同埋我要睇番最後效果，有時間都會睇番嘅，不過我鍾意睇電影台多啲。」
兩位港女「碰頭」，難免成為比較對象，杜如風說：「係啦，我唔介意，得啖笑。」但對於連詩雅多番被批評說話時強加ABC tone，如風則撐她說：「我有時都唔知港女定義係乜，佢本身都可能係講嘢夾雜住啲英文，覺得唔需要咁介懷，永遠做番自己，永遠討好唔到全世界嘅人。」
採訪、攝影：羅慧敏