藝術家程展緯早排喺《成報》登個「小廣告」，以「天祥回家，勿念香港」為題，內容係「馬來西亞可有掛念你？新加坡和印尼可會想你？無論如何請你勿念香港，諗都唔好諗！祥仔，見字請速回你老家！」用諷刺手法，要求《明報》總編輯鍾天祥離開香港，但八方估唔到呢單嘢都可以俾《成報》抽水。《成報》噚日喺頭版出咗個廣告，大大隻字寫住，「成報廣告 只要合法合情，你敢寫我敢登！」（圖）並且配埋程展緯登嗰個小廣告。八方估計程展緯都諗唔到，自己諷刺鍾天祥嘅小廣告，竟然會俾《成報》咁樣抽水法。