亞視前高層盛品儒老婆蔡一鳳，近日獲ViuTV邀請做節目《晚吹──一大一路》嘉賓，上周劉鳴煒被牙尖嘴利的小主持劉小華等挑機，不過日前錄影5位小主持見到女嘉賓蔡一鳳，問題則較溫和。
蔡一鳳大讚小主持整紙皇冠夠巧手，她昨在電話中說：「小朋友轉數好快，問題唔似夾好背出嚟，因為佢哋講得有紋有路，佢哋話知要訪問我，特別上網睇咗資料。」小主持圍繞追問蔡一鳳事業，卻沒人提起其花弗老公盛品儒，她笑言：「老公嗰晚返到屋企問點解冇人提到佢。」恨生B的蔡一鳳接觸過5位小主持後說：「搞到我好想將目標加大，生夠5個。」
採訪：楊定