我求大俠好懷疑韋舒亞（圖）係英格蘭主帥鶴臣嘅私生子。點解咁講？皆因有指家陣養緊傷嘅韋舒亞，就算季尾之前趕唔切復出幫阿仙奴比賽，鶴臣都會照選佢踢今夏歐國盃決賽周。呢位24歲中場今季冇落場踢過一分鐘，咁冇作戰狀態都可以入隊，真係唔知鶴臣諗乜；或者因為韋舒亞最擅長玩社交網，鶴臣諗住搵佢幫手更新英軍嘅行蹤啩。另外，消息指鶴臣好信任旗下班球員，所以批准佢哋帶埋老婆同女友（WAGs）去歐國盃決賽周，我求大俠惟有奉勸鶴臣一句，好自為之啦。