兩個小圓點眼睛、一個交叉嘴加一對長耳朵，到底係邊個？就係唔少港女嘅至愛、荷蘭繪本大師Dick Bruna筆下嘅小白兔Miffy。Miffy鐵定喺呢個春天，同家族成員及好友首度「遊歷」香港，同大家say hello！
Miffy係點樣嚟到呢個世界㗎呢？原來1955年Miffy原創者Dick Bruna同囝囝度假，晚晚都同囝囝講述一隻小白兔嘅故事，Dick Bruna自此將小白兔變成圖畫，Miffy就係咁出世咯，60年嚟一直風靡全球。
Miffy家族今次破天荒來港，今日起至4月24日進駐銅鑼灣利園，相信大人細路都鍾意。