繼星級美國餐廳Dan Ryan's Chicago Grill不獲業主太古地產（1972）續約，下月搬走扎根26年的金鐘太古廣場（又稱PP）店。商場另一間知名第一代食肆、地道意大利傳統餐廳Grappa's Ristorante同樣不獲續約，將於7月份撤離。
Grappa's喺1990年開幕，同屬PP第一代租戶，長年有唔少名人食客捧場。Grappa's一直都係租用商場L1層約2,000呎舖位，同Dan Ryan's一樣從來未搬過位。不過，自從太古希望大執成個PP嘅租戶組合後，要開更多唔同口味嘅餐廳，所以唔少老店都冇得揀要搬。
太古廣場總經理邵婉儀就話，明白Grappa's有一班長期擁躉，曾經希望餐廳營運商El Grande為Grappa's提交新方案，不過營運商未有接受邀請。舖位將由另一個餐飲集團Dining Concepts承租，詳情稍後公佈。