以下係一則舊聞報道：港大校委會主席「李早」狠批港獨係笑話及謬論……大家冇睇錯，一直大家認識嘅阿瑟王李國章，已經改咗名做「李早」嘞。點解？咪因為有兩個字係說不得囉！
facebook專頁「香港地」噚日宣佈李國章正式改咗名，解釋因為「國章」兩個字內含「國立」，所以要刪除，刪去之後咪變「李早」囉。又係嘅，「李早」咁愛香港同特區政府，為咗港大校委會花盡心力，確實又應該緊隨梁班子路線，將「國立」呢啲咁政治不正確嘅用字，消滅晒冇得留低嘅！八方都要趁機「自首」呀，呢篇文章入面已經出現過兩次「國立」……唔係，係3次至真，唔知會唔會因此畀康文署封殺呢？