上周五舉行的香港國際馬匹拍賣會，合共為本港馬壇添置24匹生力軍，雖然呢批馬仍未出賽，但練馬師方嘉柏，率先成為大贏家。原因是24駒當中，有多達4匹加盟方廐，分別係陳永光以350萬投得的烙號V315、梁松山550萬投得的V322、何家駒700萬投得的V330，以及吳耀國400萬投得的V332。
方嘉柏訓練拍賣馬有幾醒好多人都知道，過去「星運爵士」10捷兼贏過香港一哩錦標，而現役「控制者」亦7捷並將進軍金莎軒錦標，有力登上國際一級賽盟主地位。上述四匹新拍賣馬，隨時成為方嘉柏下季爭冠軍的重要武器。
至於今屆最貴拍賣馬，由刘玉文以850萬投得的V328，由賀賢馬房訓練。