狂操TSA是學生的惡夢，不少學校都以成績量度學生成就，但有學校以社會服務為學習核心，令「求學不是求分數」這句說話不再是宣傳口號。匯知中學自創校以來鼓勵學生參與社會服務工作，更以此作為成績考核的標準，近日學校更在社會服務團隊中，成立奇藝義工隊，讓學生發揮藝術、運動、科技的各種技能，真正助人又自助。
記者：梁佩珊
「義工服務係創校文化，亦都係教育學習嘅核心，一個全校義士參與嘅計劃，所有同學都需要進行義工服務作為升班同畢業嘅標準」，匯知中學校長張志文秉承創校文化，不會要求每位同學為畢業而每年操試卷達10小時，而是要求同學每年做義工達10小時。
學生話事，不是每間學校做得到。匯知中學的義工制度中，有一隊以60位同學為核心的義工隊，統籌及協調遍佈全港的大型義工服務，服務對象由劏房户到少數族裔都有。最近學校進一步深化義工制度，發掘及訓練義工隊中的「奇人異士」，成立奇藝義工隊，讓同學分別透過沙畫、3D畫及花式跳繩等技能的展現，集中幫助有特別需要的小孩至長者。
做義工才可畢業，學生點睇？
中一的羅樂遙學習花式跳繩6年，懂得玩近10種花式，入讀匯知後加入義工隊，絲毫沒有「又要做義工」的感覺，反而變得開心又有自信，「我期望幫到有需要嘅小朋友，幫過度活躍嘅小朋友控制自己情緒，做義工可以幫到好多人，又會俾佢哋（受助者）感染到」。
中五的左善淇做義工已有1年，懂得畫的圖案除了簡單的花草樹木，也懂精緻的構圖，更重要的是，她從練習沙畫的過程體會人生哲理，真正的從中幫到自己。左善淇初中時在名校就讀，因學業壓力一度自殘身體，甚至想自殺，「最介意佢哋用你成績差嘅眼光望住我，我覺得死咗後唔使再諗呢啲嘢，就算社工點開解你，最後都唔到你唔在意」。直到轉校到匯知中學，才沒有了學業壓力，「家仲係10幾歲，可以活到70歲、80歲，家先行咗10分1，點解唔行埋落去？你會諗自己做到鍾意嘅會點，而唔係做唔到會點，世界好大」。
「呢度會話你知所有嘢唔一定係成績去決定」，左同學開始以沙畫抒壓，沙畫的千變萬化教她發現所有事情都可以重新開始，「其實沙畫好似人生咁，你畫咗啲嘢就係其中一個過去，佢唔會走，佢會留喺你腦裏面，你用新嘅沙就會變啲新嘅嘢變出來，好似有個新嘅開始咁，可以畀自己重頭嚟過，都係鼓勵自己嘅一種方法」。
其中兩幅沙畫投射了她的人生觀和愛情幅，一幅是火車走在太陽前，太陽代表希望，火車只能向前駛，不能向後行；另一幅有一對情侶在月亮上依偎，是左同學的愛情觀，天光後月亮會消失，不在乎天長地久，有個最好的回憶便足夠。左同學原本期望沙畫可以幫到手部肌肉萎縮嘅人同聾啞人士，訓練手部動作，但更多的是，她幫到的是自己。
中五的姚穎芯只學了3D筆畫畫3個月，已經懂得畫高過手臂的巴黎鐵塔，「冇諗過有啲咁嘅嘢，覺得好得意，咁新奇嘅嘢，應該冇咩嘢可以取代佢」，她期望能夠以此幫助專注力不足人士，「學到一樣自己好想學嘅嘢，就會好專注好專心咁做」，對姚同學而言，幫到人是最快樂的。
「呢啲同學透過藝術嘅展現，俾受助對象有充分被肯定的感受，肯定自己嘅存在價值，同埋學到相關能力，令佢哋有對社會嘅認同」，校長所指的受助對象，同時亦指幫助人的學生，學生受助於自己，做義工的過程，建立到的是操TSA換不到的成就感。