歐洲足協確認，嚟緊兩季英超都肯定有四個歐聯席位。近年英超球隊喺歐洲賽成績差，已經俾德甲超越，跌到落歐洲第三聯賽，仲被意甲一步步逼近；好在意甲喺今屆歐聯同歐霸盃都已經全軍覆沒，祖雲達斯同拉素先後喺16強出局，相反英超有曼城同利物浦（圖）分別入歐聯同歐霸盃八強，所以英超喺歐洲足協嘅聯賽系數排名仲頂得住，繼續排前三位，喺16/17同17/18球季依然保住四個歐聯參賽資格。