今晚喺修頓室內場有兩場籃球銀牌負方組次圈賽事，七點開波嘅頭場有晉龍WTS對南青，其中晉龍喺負方組首圈以82:59大勝遊協「復活」，不過，今晚南青呢關將會難過好多，南青上仗對住東方都畀到對手巨大壓力，最終僅負74:81跌落負方組，今仗對晉龍贏面較高。尾場8點40分開波，由永倫（黃衫）對飛鷹，永倫上場擊敗福建後，前鋒周迎堅表示球隊多新人兼少休息，影響發揮。球賽票價為50元及30元（長者及學生）。