韓國女團2NE1成員朴春，前年因為被爆曾走私禁藥而一直閉關，不過近日佢就被網民於街上捕獲到佢，只見打扮樸素嘅佢蘋果肌有啲下垂，令網民都不禁話「好似老咗」。於公開嘅照片中，朴春穿上寬鬆嘅上衣配一條毫無線條可言嘅黃色運動褲，再梳一個all back髮型，成身打扮都好隨意，不過網民就話佢蘋果肌有啲下垂，個樣好似老咗好多，更有人留言「典型嘅江南整容樣」、「朴春係整容過頭，依家走樣吧？」、「點解殘咗咁多？」等。其實朴春都閉關咗好耐，唔知佢究竟幾時先復工呢？