【本報訊】「最初唔信㗎，唔使縫針咪試吓，點知又得喎，對效果好滿意」。現年58歲的洪先生，去年10月突然發燒兼腳痛，到伊利沙伯醫院急症室求診，確診右大腿皮下蜂窩性組織炎，兼且有膿包，要全身麻醉做手術放膿，術後即時縫針，但第4日首次落地傷口就爆線，長逾20厘米的傷口要重新處理，幸在醫護人員建議下接受漸進式傷口癒合法處理，免去再入手術室做補皮手術之苦，傷口更在13日後已埋口。
任職倉務員的洪先生表示，手術前醫生稱只會開4厘米的傷口，但術後見到傷口超過20厘米也嚇一跳，「割到肌肉層，自己見到都好驚」。最不幸更為術後傷口爆線，「中午落地，夜晚突然劇痛腫兼出血，要拆開（傷口）再處理」。
「唔會有蜈蚣疤痕」
其後接受漸進式傷口癒合法護理，經護士推淋巴、拉皮、負壓引流等步驟，傷口復原理想，「再做（補皮）手術梗係唔好啦，𠵱家針都唔使縫，唔會有好似蜈蚣咁嘅疤痕」。他住院一個月後出院，休息半個月已上班，上月更回到球場踢波，現時傷口處只有少許針刺感覺。
■記者嚴敏慧